شپږم پړاو؛ سیالي په میدان کې، عدالت په قضاوت کې او یو بل ګام د مسلکي فوټبال پر لور.
د افغانستان روشن اتلانو لیګ د شپږم پړاو له سیالیو سره هممهاله، د ریفريګانو د اړینو معیارونو او مسلکي ستندردونو پلي کولو ته ځانګړې پاملرنه شوې ده.
د سیالیو د منظم، عادلانه او باکیفیته ترسره کېدو په موخه، د ریفريګانو د چمتووالي کچه، د فوټبال له قوانینو سره بلدتیا او تخنیکي وړتیاوې ارزول شوې دي، څو د سیالیو قضاوت د ټاکلو معیارونو او مسلکي اصولو له مخې ترسره شي.
کیفیته ریفريګري د هرې مسلکي سیالۍ له اساسي برخو څخه ده؛ له همدې امله په شپږم پړاو کې د ریفريګانو د معیارونو رعایت او د هغوی د فعالیت د کچې لوړول، د سیالیو د تنظیم یوه مهمه برخه ده.
